بسم الله الرحمن الرحيم
السلام عليكم ورحمه الله وبركاته هبداء على طول با الكلام عن نفسى مش عشان انا حد يستحق الكلام عنة .ولكن عشان نفسى أساعد اى حد عاش حياتى ونفسة "ربنا يحية " من تانى عشان يعيش حياة الحمدلله أجمل وكلها تفائل ونظرة للمستقبل سبحان من أحياها من العدم وجعلنى هذا الأنسان الجديد حتى على نفسى
أسمى مش هيفرق مع حد
سنى 24 سنه
عشت منهم 23 سنه فى سجن أسمه سجن السمنة المفرطه دة غير سجن ابوزعبل او القناطر دة سجن العن
الهدف من المدونه
هقول انا عملت اية عشان أخس من 156كيلو الى 78 كيلو
هقول قد أيه نظرة المجتمع قاسية وبتخلى الأنسان المبتلى با السمنه أشبهه با الحيوان فى بعض الأوقات وفى بعض الأوقات أشبهه با الهلوان نتفرج عليه ونتضحك
هتكلم عن كل شىء وبأدق ادق التفاصيل خاصه فى الأكل والحالة المزاجيه وكيفية وضع الهدف والعمل على تحقيقة وكمان الصعوبات الابتواجة المقدم على عمليه التخسيس وكيفية التغلب عليها عن تجربة وليس عن علم
فقط اقدم نموزج وعلى من يريد العمل ان يسلك الطريق المناسب
فى النهايه هتضع صورى كامله منذ ان كنت بوزنى المبتلى بة وبعد ان رحمنى الله منه
كمان هتكلم عن كنت اية من سنة واحده وما تحقق لى فى هذة السنة من فضل الله
ان شاء الله هبداء من البوست القادم والله المستعان
طيب جميل انك خسيت :)
ردحذفعموما هتابع التجربه ... يمكن اعرف اتخن :D
تحياتي
اول تعليق عندك في المدونه .... عايزه جايزه ..
ردحذفتحياتي
للاسف الناس بتحكم على غيرها بالمظهر
ردحذفمش ازمة سمنة او رفع انا كنت هعمل مدونة عن مشكلة القصيرين بس كبرت دماغى :)
محدش مرتاح فى الدنيا دى ابدا
كنت تخينة شوية وخسيت ولما خسيت الناس فضلت تقولى بقيتى زى العصايا مش هتقدر تريح الناس ابدا
بس بجد عندك عزيمة ماشاء الله انك تخس كل ده
باذن الله هتابع التجربة واكيد هنستفيد منها
للاسف الناس دلوقتى ليها المظاهر وبتحكم بالشكل
ردحذفمع ان ممكن انسان يكون جميل جدا ومن جوه وحش جدا وممكن العكس
ربنا بينا رحيم
ان شاء الله هتابع مدونتك
فعلا نظرة المجتمع بتبقى قاسية اوي
ردحذفبس انا شايفة ان السمنة مش سجن ومخيفة ومرعبة اوي الا لو في مشاكل صحية
لكن لو على نظرة المجتمع طظ فيهم
بداية جيدة وربنا يوفقك
الف شكر على تشجعيكم
ردحذفمنورين المدونه
وان شاء الله اقدر افيد لو حد محتاج افادة
شكررررررررا
المشكله فعلا ان المجتمع اللي حولينا نظرته بتبقي قاسيه بعض الشيء
ردحذفان شاء الله منتظرين تدوينتك القادمه
انتا باين عليك انسان عندك اصرار وعزيمة قوية زى بالظبط
ردحذف